Pathian in mimasate (Adam leh Eve) a bawllai in sa kha (physical body and soul) nei in ana bawl hi (Gen. 2:7). Amau mah bang a eite le a sithei sapum leh a sitheihlou kha nei a bawl ihi uhi. Mihing a piang peuhmah gingtute (Christians) hi'n gingloute (non christians) hileh kha i nei vek uhi. Hiai muhtheih i taksa tangtawn daihdia siam hilou (Hebrute 9:27) ahihman in khatvei tei siam a aom na lei mah ah kik a hong mangthang maiding hi. Hitamahleh, huaihun chiang a mihingte hinkhua beingal ding chih theihlouh hi, aziak tuh a si theilou kha nei ihihziak in.
Laisiangthou a imuh mah bang in hun topni chiang a mihing tengteng hankhuk apan in thoukhia a Pathian vaihawmna maituah ding ihi uhi (Mat. 25:31-46; Rev. 20:11-15). Pathian in mihingte adia a bawlkholhsa mun nih a om a, huaite tuh Meidil (Hell) leh Vangam (Heaven) ahi. Nang koi lam ah na pai kha dia? Na Piangthakta hia? Sih khamuanna na neita hia?
Hiai deihtelna bawlthei lai dia i hinna leh damna hon kep bitsak Pathian min iphat ahi.
Tun si hitalechin koi ah na pai dia?